Irakasgaiaren 1. zatiaren programa

Hizkuntzaren didaktika eta ingelesa

1. zatia

Haur Hezkuntza 3. maila

Saila: Hizkuntza eta Literaturaren Didaktika

Ikasturtea: 2012-2013

Irakaslea: Harkaitz Zubiri

Telefonoa: 946014647

E-maila: arkaitz.zubiri@ehu.es

Helburuak

1. Hezkuntzaren eremuan ahozko komunikaziorako baliabideak ezagutzea eta ikasgelan haurrarengan ikaskuntza sustatzeko nola egokitu hausnartzea, ezagutzea, trebatzea eta hainbat egoeretan praktikara eramatea. E2 eta E3
2. Ahozko eremuari dagokion hezkuntza curriculuma ezagutzea, kontuan hartzea eta gauzatzen trebatzea. E1
3. Egoera eleanitzetan ahozko baliabideak erabiltzeko estrategietan trebatzea. T1
4. Hizkuntza zuzentasunez erabiltzea, egoera bakoitzera egokituz. T2
5. Hezkuntza eremuko ahozkotasuna jorratzean, norberaren esperientziak, taldekako lanak, talde osoarenak, ekarpen zientifikoenak eta hezkuntza arloko profesionalen behaketak elkar elikatzea, metodologia aktibo eta partehartzaileak ahalbidetuz. T
6. Eskolako dinamikak aberasteko 2.0 baliabideak erabiltzea. T
7. Jarrera egoki, aktibo eta partehartzailea izatea.

Edukiak

1. Ahozko komunikazioaren garapena haurraren lehenengo urteetan familian eta eskolan.
2. Ahozkotasunaren ezaugarriak 1Hen eta 2Hn.
3. Ahozko testu generoak Haur Hezkuntzan.
4. Hizkuntzak Haur Hezkuntzako curriculumean.
5. Irakaslearen estrategiak 1H eta 2Hn ahozko trebeziak sustatzeko.

Metodologia

Eskolako metodologiak ikasleen jarrera aktiboa eta partehartzailea sustatzen du. Eskolako dinamiken helburua hainbat ezagutza iturri uztartzea da: norberaren esperientzia, taldekako lana, talde osoaren dinamika, ekarpen zientifikoak eta hezkuntza arloko profesionalen behaketak. Irakaslearen azalpenek gidari lana egiten dute. Ikasleek honako lanak egin behar dituzte:

• Ikerketa proiektua taldeka: ahozkotasuna aztertzeko ikerketa bat diseinatu, landa lanean behatu, emaitzak lortu eta aurkeztu.
• Proposamen didaktikoa taldeka: eskoletako ekarpenak eta ikerketa proiektuaren emaitzak kontuan hartuz, ahozkotasuna lantzeko proposamena egin.
• Ahozko jarduera laburra banaka: ahozkotasuna lantzeko trebeziak praktikara eramateko jarduera labur bat diseinatu, gauzatu eta ebaluatu.
• Gelako ariketak: aurre-ezagutzaren jorraketa, taldeko dinamikak, artikulu zientifikoen azterketa, eta aurkezpenak.
• Azterketa teoriko praktikoa banaka: gelan landutakoari buruzkoa.

Lanak egiterakoan ezin dira erabili beste egile batzuen ekarpenak (esplizituki aipatzen direnean nahi ez direnean) baldin eta egilea nor den esaten ez bada eta hari buruzko gutxieneko erreferentziak ematen ez badira. Oin-oharrak eta erreferentzia bibliografikoak egiteko erabili eredu hauetako bat: APA, MLA, Chicago, Turibian edo AMA.

Aipatutako lanak web 2.0 euskarrietan izan behar dituzte etengabe ikusgai. Argi bereizi behar dira gelako saio bakoitzeko lanak eta ikasgai osoan zehar egiten diren lanak zeintzuk diren.

Eskolako dinamikak hiru eremutan lantzen dira: ikasgelan, tutoretzetan eta ikasgelaz kanpo.

Ebaluazioa

Ebaluazioan hainbat aldagai hartuko dira kontuan:

1. Hezkuntzaren eremuan ahozko komunikaziorako baliabideak ezagutzea eta ikasgelan haurrarengan ikaskuntza sustatzeko nola egokitu hausnartzea, ezagutzea, trebatzea eta hainbat egoeretan praktikara eramatea.
2. Ahozko eremuari dagokion hezkuntza curriculuma ezagutzea, kontuan hartzea eta gauzatzen trebatzea.
3. Egoera eleanitzetan ahozko baliabideak erabiltzeko estrategietan trebatzea.
4. Hizkuntza zuzentasunez erabiltzea, egoera bakoitzera egokituz.
5. Hezkuntza eremuko ahozkotasuna jorratzean, norberaren esperientziak, taldekako lanak, talde osoarenak, ekarpen zientifikoenak eta hezkuntza arloko profesionalen behaketak elkar elikatzea, metodologia aktibo eta partehartzaileak ahalbidetuz.
6. Eskolako dinamikak aberasteko 2.0 baliabideak erabiltzea.
7. Jarrera egoki, aktibo eta partehartzailea izatea.

Kalifikazioa jartzeko honakoak hartuko dira kontuan:

• Ikerketa proiektua taldeka: 2 puntu.
• Proposamen didaktikoa taldeka: 2 puntu.
• Ahozko jarduera laburra banaka: 2 puntu.
• Gelako ariketak: puntu 1.
• Azterketa teoriko praktikoa banaka: 2 puntu.
• Modulu lana: puntu 1.

Lan bakoitzari dagokion ehunekoa irakaslearen proposamena da. Guztiak hartu behar dira kontuan, baina gelako dinamiken arabera, irakasleak eta ikasleek adosten badute, ehunekoak alda daitezke.

Irakasgaia gainditzeko ezinbestekoa da zeregin bakoitza gutxienez baleko egotea.

Tutoretza

Astelehenetan 12:30-14:30 artean, 3.20 bulegoan (behin-behineko kokalekua)

Bibliografia

Oinarrizko bibliografia

Bigás, M. (2000). Didáctica de la lengua en la Educación Infantil. Ed. Síntesis: Barcelona.

Cervera, M. (1993). Literatura y lengua en la Educación Infantil. Ed. Mensajero: Bilbao.

Ruiz, U. (coord.) (2000). Didáctica de la segunda lengua en Educación Infantil y Primaria. Ed. Síntesis: Barcelona.

Ruiz, U, (apal.) (2009) Bigarren hizkuntzaren didaktika haur eta lehen hezkuntzan. UPV/EHU.

Wells, G. (1987). Aprender a leer y escribir. Laia: Barcelona.

Sakontzeko bibliografia

Del Río, M. J. (1993). Psicopedagogía de la lengua oral: un enfoque comunicativo. ICE-HORSORI: Barcelona.

Monfort, M. (2003). El niño que habla. CEPE SL: Madrid.

Palou, J. y Boch, C. (2005). La lengua oral en la escuela. Graó: Barcelona.

Reyzabal, M. V. (1993). La comunicación oral y su didáctica. La muralla: Madrid.

Rosario López, C. (1996). Didáctica de la comunicación verbal. E. Narcea.

Ruiz, U. (2001): “Ahozko hizkuntza irakastea”. in Jakingarriak 45 zbk. 20-25 o.

Tough, J. (1987). El lenguaje oral en la escuela. Visor: Madrid.

Aldizkariak

Tantak

Hik Hasi

Textos de didáctica de la lengua y la literatura

Aula de innovación educativa

Comunicación, lenguaje y educación

Cuadernos de pedagogía

Infancia y aprendizaje

Jakingarriak

Signos